no
REGISTRES DU BUREAU
[i5o5]
Item, lesd, bourgois commis feront dilligence tou­chant la maison qui est assise entre ledit Hostel Dieu et l'Ostel episcopal pour apliquer audit Hostel Dieu, affin de le acroistre pour subvenir à la multi­tude des pauvres qui y affluent.                    #
"Item, lesd, bourgois commis feront fere promp­tement, et le plus tost que faire ce pourra, inven­taire de tous les biens d'iceluy Hostel, tant argent monnoyé ou à monnoyer, vaisselle d'argent, es­tain, blez, vins, chevaulx, beufz, vaches, et autres choses et biens estans à present oud. Hostel Dieu et es maisons d'iceluy, à ce que plus facillement iceulx bourgois commis ou temps advenir puisse dresser les comptes dud. Receveur qui par eulx sera commis.
"Item, que lesditz huit commis ou sept, six, cinq, ou quatre à tout le moinlz, pourront vaquer en l'ab­sence des autres; et de trois ans en trois ans seront muez quatre d'iceulx huit, affin de supporter les ungtz les autres.
"Item, s'il avenoit que aucun ou aucuns desd, huit commis decedast, ou que autrement il feust légiti­mement empesché, ou que quatre d'iceulx feussent muez, lesd. Prevost des Marchans et Eschevins en ésliront d'autres en leurs lieux, qui feront le serment comme les autres l'auront fait W.
"Item, que lesd, huit commis ensemble, s'ilz sont en ceste ville de Paris, feront lesd, baulx et bailleront les quittances necessaires; mais s'ilz ne sont tous huit en cested, ville, ou que tous n'y peussent va­quer ou feussent empeschez, quatre d'iceulx commis du moingtz feront lesd, baulx et quittances selon qu'i verront estre necessaire pour le prouffit dud. Hostel Dieu; et ce qu'ilz auront fait louchant lesd, baux et quittances, le raporteront aux autres, qui n'auront
esté presens, à la premiere assemblée où iceulx huit se trouveront.
"Item, ordonne lad. Court que, s'il advenoit qu'on pourveust ou lieu d'aucun desd, commis aucuns au­tres, et que ceulx qui ne s'entremettoient plus de lad. commission eussent aucune chose avancé pour le fait dudit Hostel Dieu, ilz seront remboursez de ce qu'ilz auront avancé pour le fait dudit Hotel Dieu.
"Item, que se, touchant le fait et charge de lad. commission et les affaires du temporel dudit Hostel Dieu, survenoit aucune difficulté entre lesd. Doien et Chapitre ou autres et lesd, bourgois commis, iceulx bourgois commis auront recours à iad. Court ou à ceulx qu'elle commettra sur ce, pour, se besoing est, en faire raport à lad. Court, affin d'en ordonner par elle.
"Et feront lesd, bourgois, tant les dessus nommez que autres qui cy après y seront commis, serment solempnel, en lad. Court, de bien et loyaument ex­cercer lad. commission au prouffit et utilité dudit Hostel Dieu : le tout des choses dessusd, par maniere de provision, et jusques à ce que par lad. Court et Justice autrement en soit ordonné<2).
"Item, sera enjoinct aux religieux et religieuses dudit Hostel Dieu qu'ilz vivent selon leurs statuz.
"Et ont esté mandez lesd. Le Gendre, de Marle, Cousinot, Le Begue, Huve, Baudin, Le Caron et Lom­bart, lesquelz ont fait le serment de bien et loyau­ment administrer, led. temporel et y faire ce que bons administrateurs doivent faire, le tout selon et en ensuivant les. articles dessusd., dont leur sera baillé le double, signé par le greffier de lad. Court.
"Fait en Parlement le deuxiesme jour de May l'an mil cinq cens et cinq. "
Ainsi signé : Pichon.
C LXXXV III. — Eslection d'un Conseiller de la Ville.
26 mai i5o5. (Fol. i43 r°.)
Le x.\vic jour de May l'an mil cinq cens et cinq, en assemblée faicte en l'Ostel de la ville de Paris, où estoient mess™ les Prevost des Marchans et Esche­vins d'icelle; sire Denis Hesselin, sire Jehan Le Gendre, maistre Jehan de Marle, maistre Jaques Vauquier, sire Jehan Le Lievre, mc Estienne Boucher,
sire Pierre de La Poterne, me Jehan Hesselin, Con­seillers de lad. Ville : lesquelz tous concordablement esleurent se Estienne Huve, bourgois de Paris, Con­seiller de lad. Ville, ou lieu de feu monsr le presi­dent maistre Jehan Hurault; lequel Huve a fait le serment en tel cas acoustumé(3).
(1)   En marge de ces deux derniers paragraphes, le Registre porte les notules suivantes : Election, les Prevost et Eschevins, des Maistres de l'Hostel Dieu.
(2)   Notule en marge de ce paragraphe : Où lesd, commis font le serment.
(3)   Au Registre, après cet article vient notre n° CLXXXIll ci-dessus, en date des 4 et 5 avril.
Hic. — Election à fere, par